Home آخر الأخبار من قصة فتاة مصرية وزوجها ..

قصة فتاة مصرية وزوجها ..

633
0
SHARE

قصة فتاه مصرية وزوجها على لسانها

أنا زمان من ٢٢ سنة كنت لسة متجوزه جديد، وبعت شبكتي من ورا أهلي عشان أساعد زوجي ولحد الأن محدش عرف إني بعتها.

وكانت ظروفنا صعبه جداً لأن زوجي ربنا يبارك فيه يارب كان بيصرف علي أمه واخواته ٤ كمان معانا وكانوا في جامعه وثانوي وهو كان قيلي قبل الزواج وخيرني وأنا وفقت لأني حسيته راجل وحنين.

وبعد سنتين من زواجنا وربنا أكرمنا بنتي الكبيرة كانت وش السعد علينا وزوجي اتثبت في شغله وابتدي الخير يزيد في بيتنا وفي يوم لقيته جاي من شغله بالليل وجايب معاه علبة حلويات ومصمم إني أفتحها واكل منها. 

الساعه كانت ٢ بالليل واقوله أنا تعبانة نخليها الصبح يقلي خلاص هنزل وأجي الصبح!

فتحت العلبة وجايبة طبق عشان أحط فيه الحلويات لقيت علبتين صغيرين في وسط طبق البسبوسة ولقيته بيقلي دول أقل حاجه أقدر أقدمهالك عن إنك مستحملة العيشة الصعبة دي معايا.

وساعتها من كتر الفرحة بقيت اعيط ومش عارفه أرد عليه حقيقي كانت مفاجأة جميلة لأنها كانت أول مكافأة تجيله بعد متثبت في شغله رغم إن زوجي ربنا يباركلي فيه يارب ويسعده ويرزقه الخير كله جبلي بعد كده دهب كتير جداً إلا إن دول أعز عندي من أي دهب جاني لأننا كنا فقراء قوي بجد فكانت فرحتهم كبيره إنه قدرني وفرحني