Home المرأة المسلمة عاكسها بس متلمسهاش!!!

عاكسها بس متلمسهاش!!!

596
0
SHARE

 

1534317_616448421763319_4359904181778176543_n

 

بقلم : نهلة فؤاد

“عاكسها بس متلمسهاش” شعار جديد مكتوب على الميكروبصات !

بجد الحمد لله أنهم بيخافوا علي البنات وبيقدروهم و بيحترموهم هيعاكسوا بس مش هيتحرشوا الحمد لله الواحد والله كان خايف بصراحة قبل الشعار ده !!
“عاكسها بس متلمسهاش” شعار بيدل علي أن الراجل فعلاً بيحترم المرأة ، شايفها لعبة في إيده يلعب بيها زي ما هو عايز ….

لا يا أستاذ اللي حضرتك بتتكلم عنها دي ليها زي ما أنت ليك وحقها تقولك لا وليها احترامها و كيانها و المرأة نص المجتمع

و اللي أنت بتتكلم عنها و بتقول عاكسها بس متلمسهاش دي ممكن تبقى أختك أووالدتكأو قريبتك ..
للأسف إحنا حقوق المرأة عندنا ضايعة أو اللى بيقولوا انها عندنا و بيقولوا بردهعندنا حاجة اسمها حرية المرأة في الرأي و التعبير بس تعالوا اقولكوا يعني ايه حرية المرأة عندنا ، يعنى متنزليش .. متفكريش .. متخرجيش .. متلبسيش ..متكلميش .. متقوليش رأيك .. متنزليش مظاهرات تقولي رأيك .. متختاريش .. متشتغليش.. هي دي حرية المرأة عندنا .
بس للأسف البنت من حقها تعمل كل حاجة وأهم حقوقها أن هي تمشي في الشارع وهي مطمنة مش كل واحد ماشي يضايق فيها
ومع كل التحفظات اللى البنت فيها برده بتتعاكس وبيتم التحرش بيها وبتسمع كلام ملوش لازمة و هي ماشية

الموضوع مطلعش في لبس البنت أو طريقتها او حتي شكلها الموضوع طلعفي عقول وتربية الشباب المريضة ..أيوه المشكلة في الولد اتربي أن ده مجتمع ذكوري له لوحده

لا حضرتك  إحنا اسفين لو هنضايق حضرتك ده مش مجتمعك لوحدك احنا لينا زي ما ليك .

و كلمة لحضرتك …. ولا هتعاكسها ولا هتلمسها